الأخطاء الشائعة في الدروبشبينق

1_XiaH4cZCtkHmyLCGzRO7Tg

هنا استعرض لك بعض المشاكل التي ستواجهك في التجارة الإلكترونية بنظام الدوربشبينق:

١) مشاكل الشحن “سرعة التوصيل” أول مشكلة واجهتني هي الإيميلات الكثيرة “وين طلبيتي” وطبعاً لأن الطلبيات تجي من الصين، تتأخر. الحل: مارحت مع هذا الحل على طول، تواصلت مع وكيل في الصين وجابلي اسعار كويسة لشحن + مدة توصيل سريعة. تستطيع الحصول على وكيل “لشحن” من موقع علي بابا.

٢) منتجات ماعليها طلب! مو كل شي يمشي على الإنترنت! المنتجات تختلف: ١) موسمية ٢) ترند ٣) منتجات تحل مشكلة اكثر منتجات فشلت فيها هي المنتجات الموسمية. الأفضل في البيع والربح هي المنتجات اللي تحل مشكلة لدى العملاء حقينك.

٣) صرف زائد على التسويق من غير ارباح! التسويق بحر! لكن الإستهداف الصحيح هو سر النجاح في التسويق. لازم تشوف مين عملائك بالضبط. وليش هم مهتمين في منتجاتك! من اول كنت اسوق للمنتجات، الأن اسوق “لفائدة المنتجات للعميل” بكذا ارتفعت ارباحي بفارق كبير!

٤) شكاوي عن طريق PayPal. بعض الناس لو جاه اللون الخطاء للمنتج إشتكى عليك على الـPayPal واذا كثرت الشكاوي PayPal يسويلك حجر على أرباحك! الحل: إضافة الشات لدعم الفني على الموقع. قبل الناس تدخل الموقع مو عارفة تتواصل معي بسرعة، لما اضفت الشات على المتجر قلت الشكاوي على الـPayPal

٥) ترجيع المنتجات. اذا العميل مااعجبه المنتج، وقرر يرجع لازم يشحن الطلب إلى المستودع في الصين او امريكا. ونشيك عليه، ونشوف! إكتشفت إني اصرف فلوس اكثر في عملية التشيك والترجيع. الحل: ترجيع الفلوس إلى العميل + يحصل على المنتج ببلاش! هذا الموضوع ساعدنا في زيادة الأرباح والثقة!

٦) عدم إستفادتي من Upsells و Downsells لما يجي عميل يطلب من موقعي كان المفروض يجيه عرض بعد يضيف منتج لسلة. مثال، خذ قطعتين من نفس المنتج و٣ مجاناً. (Upsell) لو سويتها من اول يوم. كان أرباحي تعدت مصاريفي بشكل كبير!

٧) التقليد الأعمى! كل ماشفت مقطع باليوتيوب قلدته. كل ما اخذت كورس ودورة قلدته! وهذا خطأ كبير! كل شخص عنده نقاط قوة ونقاط ضعف! لو اني استثمرت في نقاط القوة حقتي وركزت على نفسي واستفدت من خبرة غيري كان وفرت علي الكثير من الفلوس!

٨) الموظفين عن بعد! ليتني إستفدت من خدماتهم من اول يوم. في ناس تدير لك حملة إعلانية بمبلغ بسيط جداً (٢٠ إلى ١٠٠ دولار) وعندهم خبرات في إطلاق الحملات الإعلانية ومهارات رهيبة. برضو الدعم الفني، كنت اسويه بنفسي، وهذا خطأ لأن المفروض اني اركز على زيادة المبيعات واختيار المنتجات

أخيراً، الإيمان بالأرزاق، مو معناه عبدالله الفوزان نجح يعني بتنجح والعكس صحيح.